არჩილ თალაკვაძე - მე, როგორც პარლამენტის სპიკერი, ყველაფერს გავაკეთებ, რომ ქალი პოლიტიკოსები გახდნენ კიდევ უფრო ძლიერი მაგალითი სხვა ქალებისთვის

მე, როგორც პარლამენტის სპიკერი, ყველაფერს გავაკეთებ იმისთვის, რომ ქალი პოლიტიკოსები, რომლებიც დღეს პარლამენტში არიან, გახდნენ კიდევ უფრო ძლიერი მაგალითი სხვა ქალებისთვის, ვისაც სურთ მონაწილეობა, ჩართულობა მმართველობის პროცესში, ვისაც სურთ კონკრეტული ცვლილებები საკუთარი უფლებების და შესაძლებლობების უკეთ რეალიზებისთვის, - ამის შესახებ საქართველოს პარლამენტის თავმჯდომარემ არჩილ თალაკვაძემ საპარლამენტთაშორისო კავშირში (IPU) საქართველოს პარლამენტის მუდმივმოქმედი დელეგაციის 2020 წლის ანგარიშის წარდგენისას, საგარეო ურთიერთობათა კომიტეტის სხდომაზე განაცხადა.

როგორც თალაკვაძემ აღნიშნა, პოლიტიკაში ქალთა მონაწილეობის პროგრესი უნდა შენარჩუნდეს.

„კავშირისთვის ძალიან მნიშვნელოვანია პოლიტიკაში ქალთა მონაწილეობის პარამეტრი. საპარლამენტთაშორისო კავშირი თვალს ადევნებს გლობალურად ქალთა მონაწილეობის მაჩვენებელს, რომელიც მსოფლიოს მასშტაბით 25,5% გახლავთ. მოგეხსენებათ, საქართველომ გაბედული და დემოკრატიული ნაბიჯები გადადგა, როდესაც შეცვალა საარჩევნო კანონმდებლობა და პოლიტიკურ პარტიებს განუსაზღვრა ვალდებულება თანაბარი მონაწილეობისთვის მათ შორის, 2020 წლის საპარლამენტო არჩევნების ერთ-ერთი მნიშვნელოვანი მიღწევა გახლავთ ის, რომ საქართველოს პარლამენტში ქალთა მონაწილეობა გაიზარდა. მე, როგორც პარლამენტის სპიკერი, ყველაფერს გავაკეთებ იმისთვის, რომ მომავალში ჩვენ ეს პროგრესი შევინარჩუნოთ და ქალი პოლიტიკოსები, რომლებიც დღეს პარლამენტში არიან გახდნენ კიდევ უფრო ძლიერი მაგალითი სხვა ქალებისთვის, ვისაც სურთ მონაწილეობა, ჩართულობა მმართველობის პროცესში, ვისაც სურთ კონკრეტული ცვლილებები საკუთარი უფლებების და შესაძლებლობების უკეთ რეალიზებისთვის“, - განაცხადა თალაკვაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა