საფრანგეთი, გერმანია და გაერთიანებული სამეფო - მკაცრად მოვუწოდებთ ირანს, ბირთვულ პროგრამასთან დაკავშირებით შეუსაბამო ნაბიჯები არ გადადგას

საფრანგეთი, გერმანია და გაერთიანებული სამეფო ურანის ლითონის წარმოების დაწყებასთან დაკავშირებით ირანის გადაწყვეტილებას გმობენ და თეირანს პროცესის შეჩერებისკენ მოუწოდებენ.

„მკაცრად მოვუწოდებთ ირანს, შეაჩეროს ეს ქმედებები დაუყოვნებლივ და ბირთვულ პროგრამასთან დაკავშირებით ახალი შეუსაბამო ნაბიჯები არ გადადგას. ირანი ძირს უთხრის ბირთვული პროგრამის მიზნების სრულად რეალიზების მიზნით დიპლომატიური ურთიერთობების განახლების შესაძლებლობას,“- ნათქვამია სამი ქვეყნის მიერ გავრცელებულ განცხადებაში.

შეგახსენებთ, ატომური ენერგიის საერთაშორისო სააგენტომ გუშინ განაცხადა, რომ ირანმა ურანის ლითონის წარმოება დაიწყო. ურანის ლითონს ატომური ბომბის დასამზადებლად იყენებენ. მის წარმოებასთან დაკავშირებული კვლევების ჩატარება 2015 წლის ბირთვული შეთანხმებით აკრძალულია. ამიტომ, დასავლეთის ქვეყნები ირანს გამუდმებით აფრთხილებენ, რომ არ განახორციელოს ურანის ლითონის წარმოება, ვინაიდან ეს წინააღმდეგობაში მოდის 2015 წელს გაფორმებულ ბირთვულ ხელშეკრულებასთან. ბირთვული შეთანხმება ირანსა და ექვს ქვეყანას შორის (გაერთიანებული სამეფო, გერმანია, ჩინეთი, რუსეთი, აშშ და საფრანგეთი) 2015 წელს გაფორმდა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)