ინდოეთში, ტამილნადუს შტატში მდებარე პიროტექნიკის ქარხანაში ხანძარი გაჩნდა, რასაც სხვადასხვა წყაროს ინფორმაციით, მინიმუმ 15 ადამიანი ემსხვერპლა. ხანძრის შედეგად დაშავდა ათობით ადამიანი, მათგან რამდენიმეს ძლიერი ხარისხის დამწვრობა აქვს მიღებული.
ადგილობრივი მედიის ინფორმაციით, ხანძარი აფეთქებამ გამოიწვია, რასაც შემდეგ კიდევ აფეთქებების სერია მოჰყვა. ვარაუდობენ, რომ აფეთქება ქიმიკატების შერევის პროცესში მოხდა. ადგილობრივმა პოლიციამ მომხდარის მიზეზების დასადგენად გამოძიება დაიწყო.
პრემიერ-მინისტრმა ნარენდრა მოდიმ მომხდარს სამწუხარო ფაქტი უწოდა და გარდაცვლილთათვის კომპენსაციის გაცემის განკარგულება გასცა.