აზერბაიჯანის, სომხეთის, რუსეთისა და არაღიარებული ყარაბაღის წარმომადგენლებმა ტყვეთა გაცვლის საკითხი განიხილეს. სომხური მედიის ინფორმაციით, რუსი სამშვიდობოების კონტროლირებად ტერიტორიაზე აზერბაიჯანის ოფიციალურ წარმომადგენლებთან შეხვედრას ესწრებოდნენ არაღიარებული მთიანი ყარაბაღის ე.წ. პრეზიდენტი არაიკ არუთუნიანი, სომხეთის ეროვნული უსაფრთხოების სამსახურის უფროსი პოლკოვნიკი არმენ აბაზიანი და მთიან ყარაბაღში განლაგებული რუსი სამშვიდობოების მეთაური, გენერალ-ლეიტენანტი რუსტამ მურადოვი.

გავრცელებული ინფორმაციით, „შეხვედრაზე ტყვეთა დაბრუნების, უგზოუკვლოდ დაკარგულების ძებნის და სხვა ჰუმანიტარული საკითხები განიხილეს. მათ ასევე ისაუბრეს 1990-იანი წლების ომის დროს გაუჩინარებული ადამიანების ბედზე“.