ინდოეთში, ტამილნადუს შტატში მდებარე პიროტექნიკის ქარხანაში გუშინ გაჩენილი ხანძრისგან დაღუპულთა რაოდენობა 19-მდე გაიზარდა, - ამის შესახებ ინფორმაციას ადგილობრივი მედია ავრცელებს.
მათივე ცნობით, ხანძრის შედეგად 30 ადამიანი მძიმედ დაშავდა.
წინასწარი ინფორმაციით, ხანძარი აფეთქებამ გამოიწვია, რასაც შემდეგ კიდევ აფეთქების სერია მოჰყვა. ვარაუდობენ, რომ აფეთქება ქიმიკატების შერევის პროცესში მოხდა. ადგილობრივმა პოლიციამ მომხდარის მიზეზების დასადგენად გამოძიება დაიწყო. პრემიერ-მინისტრმა ნარენდრა მოდიმ მომხდარს სამწუხარო ფაქტი უწოდა და გარდაცვლილთათვის კომპენსაციის გაცემის განკარგულება გასცა.