მიანმარის მოსახლეობა საპროტესტო აქციების გამართვას აგრძელებს. ყველაზე მასშტაბური აქცია ქალაქ იანგონში გაიმართა, სადაც აქტივისტთა უმეტესობას სტუდენტები შეადგენდნენ.
„შეწყვიტეთ აქტივისტების ღამით გატაცება და დაპატიმრება“, - სკანდირებდნენ დემონსტრანტები.
უკვე 9 დღეა, რაც ქვეყნის დიდ ქალაქებში აქტივისტებმა პატრულირების ჯგუფები ჩამოაყალიბეს, რომლებიც პოლიციის მხრიდან დემონსტრანტების დაკავებების აღკვეთას ცდილობენ. მიანმარში სამხედრო გადატრიალება თებერვლის დასაწყისში მოხდა. არმიამ, რომელიც გასული წლის ნოემბერში ჩატარებული არჩევნების შედეგებს არ აღიარებს, ქვეყნის არჩეული ლიდერი აუ სან სუ ჩი და ასობით კანონმდებელი დააკავა და ერთწლიანი საგანგებო მდგომარეობა გამოაცხადა.