აზერბაიჯანის ქალაქებში, ბაქოსა და სუმგაიტში და აბშერონის რეგიონში დღეიდან მაღალი კლასების მოსწავლეები სწავლას საკლასო ოთახებში განაგრძობენ, - ამის შესახებ ინფორმაციას აზერბაიჯანული მედია ავრცელებს.

მათივე ინფორმაციით, ტრადიციული ფორმით სწავლა სკოლის მოსამზადებელი კლასებისთვის კვირაში ორჯერ, დაწყებითი (I-IV კლასების) კლასების მოსწავლეებისთვის კვირაში 3-ჯერ, V-IX კლასების მოსწავლეებისთვის კი კვირაში 2-ჯერ განახლდება.

ამასთან, დღეიდან აზერბაიჯანში საბავშვო ბაღებიც იხსნება.