„რესპუბლიკური პარტიის“ ერთ-ერთმა ლიდერმა თამარ კორძაიამ პარლამენტის მიერ მისი სადეპუტატო უფლებამოსილების არ მოხსნა ბათუმში, საკონსტიტუციო სასამართლოში გაასაჩივრა.

როგორც მან აღნიშნა, იმედი აქვს, რომ “ქართულ ოცნებას” მანდატის გაუქმებას საკონსტიტუციო სარჩელით აიძულებს.

„ყველა სამართლებრივი მექანიზმი უნდა გამოვიყენო იმისთვის, რომ ჩემი, როგორც პოლიტიკოსის, თავისუფალი ნება იყოს აღსრულებული და ჩემი პოლიტიკური და სამართლებრივი ბრძოლა დავუპირისპირო „ქართული ოცნების“ აღვირახსნილ უკანონო ძალადობას. იმიტომ რომ მე, თამარ კორძაიას, ფიცი არ დამიდია, ისე ცნო ჩემი უფლებამოსილება უკანონოდ და მერე ჩემი ნების საწინააღმდეგოდ არ მიშვებს პარლამენტიდან. ამდენი უკანონობის შემდეგ მე ვიყენებ ბრძოლის კანონიერ საშუალებებს, საკონსტიტუციო სასამართლო ამას განიხილავს და დარწმუნებული ვარ ის მაინც არ წავა მოქალაქის, ადამიანის და პოლიტიკოსის თავისუფალი ნების წინააღმდეგ“, - განაცხადა თამარ კორძაიამ.