ჯანდაცვის მსოფლიო ორგანიზაციამ AstraZeneca-ს ვაქცინის გადაუდებელ შემთხვევებში გამოყენების ნებართვა გასცა, რაც იმას ნიშნავს, რომ ვაქცინის დისტრიბუცია და გამოყენება მთელს მსოფლიოში ეტაპობრივად მოხდება.

„დღეს, ჯანმომ AstraZeneca-სა და ოქსფორდის უნივერსიტეტის ვაქცინა გადაუდებელი გამოყენებისთვის დაამტკიცა. აღნიშნული გადაწყვეტილება საშუალებას იძლევა, ვაქცინა გამოყენებული იყოს გლობალურ მასშტაბში COVAX-ის პროგრამის მეშვეობით“, - ნათქვამია ჯანმოს განცხადებაში.

ჯანმოს გენერალური დირექტორის, ტედროს ადჰანომ გებრეიესუსის თქმით, ვაქცინის წარმოებას დახვეწა სჭირდებოდა, რათა მისი ფართოდ გავრცელება რაც შეიძლება მალე მოხდეს.