ისრაელი ვაქცინირებული მოქალაქეებისთვის სასტუმროებისა და სპორტდარბაზების გახსნას გეგმავს

ისრაელი 21 თებერვლიდან, სასტუმროებისა და სპორტდარბაზების იმ მოქალაქეებისთვის გახსნას გეგმავს, რომლებიც კორონავირუსის წინააღმდეგ სრულად არიან ვაქცინირებული ან კორონავირუსი გადატანილი აქვთ.

Reuters-ის ინფორმაციით, ისრაელი 27 დეკემბერს დაწესებული კარანტინის რეჟიმის თანდათან შემსუბუქებას კვირიდან, მოლების, ღია ტიპის ბაზრობების, ბიბლიოთეკებისა და მუზეუმების გახსნით დაიწყებს.

ისეთ დაწესებულებებში შესვლის უფლება, როგორიც სასტუმროები და სპორტდარბაზებია, ე.წ. „მწვანე პასპორტების“ მფლობელებს ექნებათ, რომელიც ჯანდაცვის სამინისტროს აპლიკაციაშია ასახული და რომელიც ადასტურებს, რომ მის მფლობელს კორონავირუსის მიმართ იმუნიტეტი აქვს.

Reuters-ი წერს, რომ ისრაელში, რომლის მოსახლეობა 9 მილიონს შეადგენს, მოქალაქეების 43%-ს ვაქცინის ერთი დოზა მაინც გაკეთებული აქვს.

იხილეთ ვიდეო:ისრაელი ვაქცინირებული მოქალაქეებისთვის სასტუმროებისა და სპორტდარბაზების გახსნას გეგმავს

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 08.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
სილქნეტი განცხადებას ავრცელებს (R)