აშშ-ში გასული დღე-ღამის განმავლობაში, კორონავირუსით ინფიცირების 52 685 ახალი შემთხვევა გამოვლინდა და 985 ადამიანი გარდაიცვალა, - ამ ინფორმაციას CNN-ი ჯონს ჰოპკინსის უნივერსიტეტზე დაყრდნობით ავრცელებს.

პანდემიის დაწყებიდან დღემდე, აშშ-ში კორონავირუსის 27 692 967 შემთხვევა დადასტურდა, ხოლო 486 321 ადამიანი გარდაიცვალა.

აშშ-ის დაავადებათა კონტროლისა და პრევენციის ცენტრის ინფორმაციით, ქვეყანაში დღემდე კორონავირუსის საწინააღმდეგო ვაქცინების 70 057 800 დოზაა განაწილებული, აქედან მოქალაქეების ასაცრელად 52 884 356 დოზაა გამოყენებული.

აღსანიშნავია, რომ ქარბუქის გამო აშშ-ის შტატებსა და ქალაქებში ვაქცინის განაწილების შენელებულია. უამინდობის გამო აშშ-ის 7 შტატში, ალაბამაში, ორეგონში, ოკლაჰომაში, კანზასში, კენტუკში, მისისიპსა და ტექსასში საგანგებო მდგომარეობაა გამოცხადებული.