სლოვაკეთის რესპუბლიკის საგარეო და ევროპულ საქმეთა სამინისტროს სახელმწიფო მდივანი მარტინ კლუსი ზაზა გახელაძის წინააღმდეგ გამოტანილ უკანონო განაჩენს ეხმიანება.
„სლოვაკეთის საგარეო საქმეთა სამინისტროს პოზიცია საქართველოს ტერიტორიული მთლიანობის, დამოუკიდებლობისა და სუვერენიტეტის მიმართ უცვლელია. ამ კონტექსტში, ვგმობ საქართველოს მოქალაქის, ზაზა გახელაძის მიმართ სამხრეთ ოსეთის სეპარატისტულ რეგიონში გამოტანილ განაჩენს და მისი დაუყოვნებლივ გათავისუფლებისკენ მოვუწოდებ“, - წერს მარტინ კლუსი.
შეგახსენებთ, ოკუპირებული ცხინვალის ე.წ. უზენაესმა სასამართლომ ზაზა გახელაძეს 12 წლითა და 6 თვის ვადით თავისუფლების აღკვეთა მიუსაჯა.