ირანმა და რუსეთმა ინდოეთის ოკეანეში ერთობლივი სამხედრო-საზღვაო წვრთნების პირველი ეტაპი დაიწყეს.

საზღვაო ძალების წვრთნების დღის წესრიგში დგას საერთაშორისო საზღვაო ვაჭრობის უსაფრთხოების ამაღლება, მეკობრეობის და საზღვაო ტერორიზმის წინააღმდეგ ბრძოლა და სამაშველო ოპერაციების შესახებ ინფორმაციის გაზიარება.

როგორც „როიტერი“ ირანის სახელმწიფო მედიაზე დაყრდნობით იუწყება, წვრთნები მოიცავს სატვირთო გემზე მეკობრეების იმიტირებული თავდასხმის მოგერიებას. რუსეთმა და ირანმა მსგავსი საზღვაო წვრთნები ჩინეთთან ერთად ინდოეთის ოკეანეში 2019 წლის დეკემბერში ჩაატარეს.

ირანის საზღვაო ძალების წარმომადგენელმა განაცხადა, რომ ინდოეთის საზღვაო ფლოტი სწავლებას წელს შეუერთდება.