რუსეთში, ბოლო 24 საათის განმავლობაში, კოვიდ-19-ის 12 828 ახალი შემთხვევა დაფიქსირდა და ინფიცირებულთა საერთო რაოდენობამ 4 112 151-ს მიაღწია, - ინფორმაციას ადგილობრივი მედია ავრცელებს.
მათივე ინფორმაციით, ეს ყველაზე დაბალი მაჩვენებელია გასული წლის 9 ოქტომბრის შემდეგ, როდესაც რუსეთში ერთ დღე-ღამეში ინფიცირების 12 126 ახალი შემთხვევა გამოვლინდა.
ამასთან, ქვეყანაში ვირუსით კიდევ 467 პაციენტი დაიღუპა და გარდაცვლილთა რიცხვი 81 446 -მდე გაიზარდა. რუსეთში, საერთო ჯამში, კოვიდ 19-სგან 3 642 582 ადამიანი გამოჯანმრთელდა.
კორონავირუსის შემთხვევების რაოდენობით რუსეთი აშშ-ს, ინდოეთისა და ბრაზილიის შემდეგ მეოთხე ადგილზეა მსოფლიოში.