რუსული მედია - უსაფრთხოების ფედერალურმა სამსახურმა 19 ექსტრემისტი დააკავა, რომელიც ჩრდილოეთ კავკასიაში ტერაქტების მოწყობას გეგმავდა

რუსეთის ოთხ რეგიონში 19 ექსტრემისტი დააკავეს, რომელიც ჩრდილოეთ კავკასიაში ტერორისტული თავდასხმების მოწყობას გეგმავდა, - ამის შესახებ ინფორმაციას რუსული მედია ქვეყნის უსაფრთხოების ფედერალურ სამსახურზე (FSB) დაყრდნობით ავრცელებს.

”უსაფრთხოების ფედერალურმა სამსახურმა გამოავლინა ექსტრემისტების ჯგუფი, რომელიც საერთაშორისო ტერორისტულ ორგანიზაცია „ტაკფირ ვალ-ჰიჯრასთანაა“ დაკავშირებული. თებერვალში ყირიმში, ყარაჩაი-ჩერქეზეთში, კრასნოდარსა და როსტოვში 19 რადიკალი დააკავეს, რომლებიც, თავიანთი იდეების პოპულარიზაციისა და ახალი მომხრეების გადაბირების გარდა, ჩრდილოეთ კავკასიაში დივერსიული მოქმედებებისა და ტერორისტული თავდასხმების განხორციელებას გეგმავდნენ”, - ნათქვამია უსაფრთხოების ფედერალური სამსახურის მიერ გავრცელებულ ინფორმაციაში.

მათივე ინფორმაციით, დაკავებულების სახლებისა და საიდუმლო შეხვედრების ადგილების ჩხრეკის დროს ექსტრემისტული ლიტერატურა ამოიღეს, ყარაჩაი-ჩერქეზეთის რეგიონის ტყეში კი იარაღის სამალავი აღმოაჩინეს. სამალავში ნაპოვნ იარაღებს შორის იყო : ტყვიამფრქვევი, AKM-ის ტიპის ავტომატი, თვითნაკეთი ასაფეთქებელი მოწყობილობები და ე.წ. „შაჰიდის ქამარი“. "დაკავებულებს ბრალი ექსტრემისტული ორგანიზაციის საქმიანობის ორგანიზებასა და მონაწილეობაში ედებათ,“- აღნიშნულია ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა