გიგი უგულავა - გეგმებზე ჰკითხეთ გახარიას, ჩვენი შუალედური გეგმა, თუ მანამდე თოვლი არ დადნა, იქნება გუნდაობა

გეგმებზე ჰკითხეთ გახარიას. ჩვენი შუალედური გეგმა, თუ მანამდე თოვლი არ დადნა, იქნება გუნდაობა, - ამის შესახებ "ევროპული საქართველოს" ერთ-ერთმა ლიდერმა გიგი უგულავამ ჟურნალისტებს "ნაციონალური მოძრაობის" ოფისში განუცხადა, რითაც უპასუხა კითხვას, რა გეგმები აქვს ოპიზიციას ნიკა მელიასთან მიმართებით.

გიგი უგულავას განმარტებით, ოპოზიცია კონსტიტუციის ფარგლებში მოქმედებს.

"ჟურნალისტებმა კითხვა- „რა გეგმები გაქვთ“ - მე მგონი, ეს უნდა ჰკითხოთ გახარიას და გომელაურს. ჩიხში ისინი არიან. ჩვენ ვართ შენობაში, ისინი იქნებიან გარეთ. ეს ის იშვიათი შემთხვევაა, რომ 8 წელიწადია ჩვენ ვართ გარეთ და ისინი... გამაგრებული არ ვართ, ჩვენ ვართ ოფისში. გამაგრება სჭირდება იმას, ვისაც ნერვები წესრიგში არ აქვს და ასეთი, მე მგონი, ხელისუფლებაში ბევრი ჰყავთ. აქედან გამომდინარე, აქ არიან დეპუტატები...მათ არანაირი კანონიერი უფლება არ აქვთ აქ შემოსვლის და მითუმეტეს, ჩხრეკის. ჩვენ ვართ კონსტიტუციით აღჭურვილები. რა თქმა უნდა, მოძალადეს არ შემოვუშვებთ! თქვენს სახლში მოძალადეს შეუშვებდით? მოძალადე გინდა ფორმიანი იყოს და გინდა უფორმო, დაგვავიწყდა, რომ „მხედრიონი“ იყო? უფორმო მოძალადეები ხომ იყვნენ?", - განაცხადა გიგი უგულავამ.

კითხვაზე, სასამართლოს გადაწყვეტილება კანონის აღასრულება ხომ არის, უგულავა ასე პასუხობს: "ფორმალურად ეს არის კანონის დარღვევა, კონსტიტუციის ფეხქვეშ გათელვა, იმიტომ, რომ საქართველოს კანონმდებლობის მიხედვით, უმაღლესი კანონი არის კონსტიტუცია". უგულავას თქმით, კონსტიტუცია ირღვევა.

"როდესაც სახელმწიფო წესრიგიდან გადის, როდესაც სახელმწიფო უწყებები ერთ ადამიანს და მის ხუშტურს ემორჩილებიან და არა კანონს, მე,როგორც საქართველოს მოქალაქე ვალდებული ვარ, დავიცვა ჩემი თავი, ჩემი ოჯახი, ჩემი მეგობრები და ჩემი ღირსება", - განაცხადა უგულავამ.

გაიზიარებენ თუ არა მის ამ პოზიციას ელჩები, უგულავას თქმით, ის დარწმუნებულია,რომ ვინც კონსტიტუციის მხარესაა, ვისაც ესმის, რა არის კონსტიტუცია და უზენაესი კანონი ის გაიზიარებს "და ვისაც ჯანსაღი აზრი, ჯერ კიდევ შერჩენია თავში, ის გაიზიარებს. „ვიმეორებ, გეგმებზე ჰკითხეთ გახარიას, ჩვენი შუალედური გეგმა, თუ მანამდე თოვლი არ დადნა, იქნება გუნდაობა", - განაცხადა უგულავამ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა