ბრიტანეთი, საფრანგეთი, გერმანია, იტალია და აშშ ერაყში მომხდარ თავდასხმას გმობენ

ბრიტანეთი, საფრანგეთი, გერმანია, იტალია და აშშ ერთობლივ განცხადებას ავრცელებენ, სადაც ერაყის ჩრდილოეთ ნაწილში 15 თებერვალს განხორციელებულ თავდასხმას გმობენ.

„ჩვენ: საფრანგეთის, გერმანიის, იტალიის, გაერთიანებული სამეფოს და ამერიკის შეერთებული შტატების საგარეო საქმეთა მინისტრები უმკაცრესად ვგმობთ 15 თებერვლის სარაკეტო თავდასხმას ერაყის ქურთისტანის რეგიონში. სამძიმარს ვუცხადებთ დაზარალებულებს, მათ ოჯახებს და ერაყელ ხალხს“, - ნათქვამია განცხადებაში.

საგარეო საქმეთა მინისტრები ასევე აცხადებენ, მათი მთავრობები ერაყის მთავრობას აღნიშნული თავდასხმის გამოძიებაში დაეხმარებიან.

„ჩვენი მთავრობები ერაყის მთავრობას თავდასხმის გამოძიებაში დაეხმარებიან იმისთვის, რომ დამნაშავეებმა პასუხი აგონ,“- აღნიშნულია განცხადებაში.

შეგახსენებთ, გუშინ ერაყის ჩრდილოეთ ნაწილში აშშ-ის მეთაურობით მოქმედი კოალიციის სამხედრო ბაზაზე მომხდარ სარაკეტო თავდასხმას ერთი ადამიანის სიცოცხლე ემსხვერპლა, ხუთი ადამიანი კი - დაიჭრა. დაღუპული პირი სამოქალაქო კონტრაქტორია, დაჭრილებს შორის კი ერთი ამერიკელი სამხედროა. მომხდარზე პასუხისმგებლობა „სარაია ავლია ალ-დამმა“ აიღო. დაჯგუფების მტკიცებით, მათი სამიზნე ერაყში „ამერიკული ოკუპაცია“ იყო.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს