დავით ზილფიმიანი მინისტრს - „ნაცმოძრაობის“ დროს იმის მეათედიც რომ გაეხსნათ, რაც თქვენ ბოლო 6 თვეში გახსენით, ლენტას წინიდანაც გაჭრიდნენ, უკნიდანაც, გვერდიდანაც და შუაშიც

„ნაციონალური მოძრაობის“ დროს იმის მეათედიც რომ გაეხსნათ, რაც თქვენ ბოლო 6 თვეში გახსენით, ლენტას წინიდანაც გაჭრიდნენ, უკნიდანაც, გვერდიდანაც და შუაშიც, იქნებოდა მთელი აჟიოტაჟი, - ასე მიმართა „ევროპელი სოციალისტების“ წევრმა დავით ზილფიმიანმა ინფრასტრუქტურის მინისტრს მაია ცქიტიშვილს, რომელმაც „მინისტრის საათის“ ფარგლებში ყოველწლიური მოხსენება წარადგინა.

ზილფიმიანის თქმით, დღეს, უწყებას მთავარი პრობლემა შესრულებული და დაგეგმილი სამუშაოების შესახებ ინფორმაციის გავრცელებაში აქვს.

„მე შევადარე აქეთა 9 წლის განმავლობაში გაკეთებული ინფრასტრუქტურული სამუშაოები იქითა 9 წლის განმავლობაში გაკეთებულ ინფრასტრუქტურულ სამუშაოებს, რატომ ვერ ხდება მოსახლეობისთვის ადეკვატური ინფორმაციის მიწოდება? უბრალო მაგალითს გეტყვით, იმის მეათედი რომ გაეხსნათ, რაც თქვენ ბოლო 6 თვეში გახსენით, იმ პერიოდში ლენტას წინიდანაც გაჭრიდნენ, უკნიდანაც, გვერდიდანაც და შუაშიც, ეს იქნებოდა მთელი აჟიოტაჟი. დღეს კი მუშაობთ, მაგრამ არ შეიძლება ინფორმაციის მოსახლეობამდე მიტანასა და პოპულარიზაციაში ელემენტარული ხარჯები მაინც გავწიოთ?! ხალხმა იცოდეს რა გაკეთდა ან ის მაინც იცოდნენ მომავალში რა იგეგმება. ის რომ საიტზე იტვირთება, მერწმუნეთ, მოსახლეობისთვის არაფერს ნიშნავს. ეს შეიძლება დაინტერესებული პირებისთვის ნიშნავდეს რამეს. ინფორმაციის ხელმისაწვდომობის სერიოზული პრობლემა გაქვთ. ამხელა სამუშაოს პარალელურად არ შეიძლება ინფორმაცია მოსახლეობისთვის მიუწვდომელი იყოს,“- განაცხადა დავით ზილფიმიანმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს