ნიგერიაში, ნიგერის შტატის კაგარას რაიონში მდებარე ერთ-ერთ საშუალო სკოლაში დაუდგენელი შეიარაღებული პირები შეიჭრნენ და ათობით მოსწავლე და მასწავლებელი გაიტაცეს, - ამის შესახებ ინფორმაციას CNN-ი ავრცელებს.
ტელეკომპანიის ცნობით, ვრცელდება ინფორმაცია, რომ სკოლაზე თავდასხმას ერთი მოსწავლის სიცოცხლე ემსხვერპლა.
სკოლის გატაცებული თანამშრომლებისა და მოსწავლეების ზუსტი რაოდენობა ჯერჯერობით უცნობია.
შეგახსენებთ, ორი თვის წინ კაცინას შტატის ჩრდილო – დასავლეთ ნაწილში მდებარე სკოლიდან შეიარაღებულმა პირებმა 350 მოსწავლე გაიტაცეს, რომლებიც მოგვიანებით უსაფრთხოების ძალებმა გადაარჩინეს.