პირადად ჩემი მანქანაც ზაფხულის საბურავებით იყო აღჭურვილი და ამან გარკვეული შეფერხება გამოიწვია - უხვ ნალექს მომზადებული არ დავხვდით, - ასე ახსნა დედაქალაქის ქუჩებში შექმნილი პრობლემები ფრაქცია “ქართული ოცნების“ დეპუტატმა ირაკლი ზარქუამ.

ზარქუამ პარლამენტის პლენარულ სხდომაზე ხაზგასმით აღნიშნა, რომ თბილისის მუნიციპალიტეტი წუხანდელი ღამიდან გადასულია საგანგებო მდგომარეობაზე, მობილიზებულია ტექნიკა და ქუჩებში 300 ტონაზე მეტი ტექნიკური მარილი დაიყარა.

“გაწმედითი სამუშაოები ახლაც მიმდინარებს. მთელი მერია მობილიზებულია, თავისი „თბილსერვისით“, ეკოსერვისით, გამგეობებით და ემსახურებიან დედაქალაქს. მთელი ტექნიკა არის გამოყვანილი. დარწმუნებული ვარ, პრობლემას ბოლომდე მოაგვარებენ“, - განაცხადა ირაკლი ზარქუამ პარლამენტის სხდომაზე.