აქ ვიდგები და პოლიციას თუ უნდა გადამიაროს! - ამის შესახებ პოლიტიკოსმა ნინო გოგუაძემ ჟურნალისტებთან განაცხადა, რითაც "ნაციონალური მოძრაობის" თავმჯდომარის ნიკა მელიას საქმეს გამოეხმაურა.
მანვე აღნიშნა, რომ „ქართული ოცნების“ 88 დეპუტატმა, პასუხისმგებლობას უნდა იგრძნოს იმაზე, რაც „ნაციონალური მოძრაობის“ ოფისში მოხდება.
„როდესაც დგება დრო, რომ კანონის სახელით უსამართლობას ჩადიან, მოქალაქეები ვალდებულები ვართ, რომ სამართლის გამო, ეს უსამართლო კანონი დავარღვიოთ. დღეს ასეთი დროა! ყველამ ძალიან კარგად ვიცით, რომ ეს საქმე თავიდან ბოლომდე პოლიტიკურია. მხოლოდ ერთი ადამიანი იღებს გადაწყვეტილებას. ასე რომ არ ვიცით, რა მოხდება... ფიზიკურად გადაგვიარონ! "ქართული ოცნების" 88 დეპუტატი, რომელმაც მწვანე შუქი აანთეს და ნიკა მელია ორჯერ დაიჭირეს, პასუხისმგებლობას უნდა გრძნობდნენ, იმაზე რაც აქ მოხდება. აქ ვიდგები და პოლიციამ გადამიაროს თუ უნდა!“ - განაცხადა გოგუაძემ.