გერმანიაში კორონავირუსით ინფიცირების ახალი შემთხვევების 22% „ბრიტანულ“ ვარიანტზე, B117-ზე, მოდის, - ამის შესახებ გერმანიის ჯანდაცვის მინისტრმა იენს შპანმა განაცხადა.

მისივე თქმით, ეს მაჩვენებელი 2 კვირის წინ 6%-ს შეადგენდა.

იენს შპანის განმარტებით, გერმანიამ უნდა დაუშვას ის, რომ აღნიშნული ვარიანტი მალე დომინანტური გახდება.

მინისტრმა რობერტ კოხის ინსტიტუტის მონაცემებზე დაყრდნობით განაცხადა, რომ ე.წ. „ბრიტანული ვარიანტით“ დაინფიცირების მაჩვენებელი ყოველ კვირაში ორმაგდება.

რაც შეეხება ვირუსის ე.წ. „სამხრეთ აფრიკულ ვარიანტს“, იენს შპანის ინფორმაციით, ის ქვეყანაში დაფიქსირებული შემთხვევების 1.5%-ის გამომწვევია.

აღსანიშნავია, რომ გერმანიამ ცოტა ხნის წინ ლაბორატორიებს დაფინანსება გაუზარდა იმისთვის, რომ მთავრობამ ქვეყანაში კორონავირუსის ვარიანტების გავრცელების შესახებ უფრო სრულყოფილი ინფორმაცია მიიღოს.