ბრიტანეთის სამაუწყებლო კორპორაცია BBC -ის თავმჯდომარედ რიჩარდ შარპი ოფიციალურად დაინიშნა. მან ამ თანამდებობაზე დევიდ კლემენტი ჩაანაცვლა.
შარპი 23 წლის განმავლობაში საინვესტიციო ბანკ „გოლდმან საკსის“ ბანკირი იყო. ბრიტანეთის მთავრობის ინფორმაციით, მას ფინანსურ სექტორში მუშაობის 30 წლიანი გამოცდილება აქვს. BBC-ის თავმჯდომარეს ოფიციალურად დედოფალი მთავრობის რეკომენდაციით ნიშნავს. იგი პასუხისმგებელია მაუწყებლის დამოუკიდებლობის დაცვაზე. შარპს ეს პოსტი გასულ თვეს შესთავაზეს. ის თანამდებობაზე ოთხი წლის ვადით დაინიშნა.