ხელისუფლებას, რომელიც გავრილოვისა და ჩვენი ქვეყნის მტრების გულის გასახარად მოქმედებს, დიდი დღე არ უწერია, - ამის შესახებ „ლელოს“ ლიდერმა მამუკა ხაზარაძემ სოციალურ ქსელში დაწერა, რითაც გამოეხმაურა „ერთიანი ნაციონალური მოძრაობის“ თავმჯდომარის ნიკა მელიასთვის აღკვეთის ღონისძიების სახით პატიმრობის გამოყენებას.
როგორც ის „ფეისბუქზე“ წერს, ქვეყანა გადასარჩენია, „თორემ მალე, ძალიან მალე საბჭოთა კავშირში გავიღვიძებთ!“
„აქ საქმე მარტო ნიკა მელიას მიმართ განაჩენში არაა, აქ საქმე ქვეყნის ორიენტაციის ცვლილებაში, თავისულების დაკარგვაში, არჩევნების გაყალბებაში, ანაკლიის პროექტის ჩაშლაში, სიღატაკესა და უმუშევრობაში, კორუფციასა და ნეპოტიზმში, ქვეყნის საერთაშორისო, დემოკრატიული, ცივილური სამყაროს რუკიდან გაქრობაში...
ქვეყანა გადასარჩენია, თორემ მალე, ძალიან მალე საბჭოთა კავშირში გავიღვიძებთ!“, - წერს ხაზარაძე.