მექსიკაში დააკავეს 6 პირი, რომლებიც კორონავირუსის ყალბი ვაქცინის თითო დოზას 2 000 დოლარად ჰყიდდნენ

მექსიკაში სამართალდამცავებმა 6 პირი დააკავეს, რომლებიც კორონავირუსის ყალბი ვაქცინის თითო დოზას 40 000 პესოდ (დაახლოებით 2 000 აშშ დოლარი) ჰყიდდნენ, - ამის შესახებ ინფორმაციას Deutsche Welle ავრცელებს.

გამოცემის ცნობით, მექსიკის ჯანდაცვის მინისტრის თანაშემწემ, უგო ლოპეს-გატელმა განაცხადა, რომ დაკავებულები ფეიკ ვაქცინებს BioNTech/Pfizer-ის ვაქცინად ასაღებდნენ.

გავრცელებული ინფორმაციით, ყალბ ვაქცინებს მოსახლეობას ნუევო-ლეონის შტატის ქალაქ მონტერეიში მდებარე ერთ-ერთი კერძო კლინიკა სთავაზობდა.

მექსიკამ კორონავირუსის წინააღმდეგ მოსახლეობის ვაქცინაცია მედიკოსების აცრით 24 დეკემბერს დაიწყო. გასული კვირიდან კი ქვეყანაში 65 წელს გადაცილებული პირების ვაქცინაცია ხორციელდება. მექსიკაში ჯერჯერობით კორონავირუსის 1 მილიონი დოზაა გამოყენებული.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი