ზურაბ ჯაფარიძე - იმედი მაქვს, გონს მოეგებიან, დასხდებიან მოლაპარაკების მაგიდასთან და შეასრულებენ იმ ოთხ პუნქტს, რაც ოპოზიციამ დადო

„გახარიას გადადგომა, მოულონდელი იყო, მაგრამ კარგია, რომ საჯაროდ გამოიტანა მიზეზი, რის გამოც გადადგა“, - ამის შესახებ „გირჩი - მეტი თავისუფლების“ ლიდერმა ზურაბ ჯაფარიძემ ჟურნალისტებთან განაცხადა. მისივე თქმით, შინაგან საქმეთა სამინისტრო სწორად მოიქცა, როდესაც „ნაციონალური მოძრაობის“ ლიდერის ნიკა მელიას საქმეზე დაგეგმილი ღონისძიება დროებით გადადო.

„შინაგან საქმეთა სამინისტროს განცხადება ნიკა მელიას საქმესთან დაკავშირებით სწორია. სწორია ის, რომ არ მიდიან ფიზიკურ დაპირისპირებამდე, რაც პოლიტიკურ კრიზისს გაამწვავებდა და კატასტროფის წინაშე დაგვაყენებდა. რაც შეეხება გახარიას გადადგომას, მოულონდელი იყო, მაგრამ კარგია, რომ საჯაროდ გამოიტანა მიზეზი, რის გამოც გადადგა. საბოლოოდ ეს აჩვენებს, თუ რამდენად ღრმა არის ქვეყანაში პოლიტიკური კრიზისი, რომელიც ისედაც იყო, მაგრამ მელიასთან მიმართებაში გამოტანილი გადაწყვეტილება ეს კრიზისი კიდევ უფრო გააღრმავა“ , - განაცხადა ჯაფარიძემ.

მისივე თქმით, ახლა „ქართული ოცნება“ უნდა დაჯდეს მოლაპარაკების მაგიდასთან და შეასრულოს ის პუნქტები, რომელზეც შეხვედრების დროს შეთანხმდენენ. აქედან გამოსავალი არის ერთადერთი - „ქართული ოცნება“ უნდა დაჯდეს მოლაპარაკების მაგიდასთან უცხოელ მედიატორებთან ერთად, სადაც დევს შეთანხმების ოთხი პუნქტი და ოთხივე არის შესასრულებელი. ყველაზე მთავარი არის პოლიტპატიმრების გათავისუფლება, საარჩევნო სისტემის შეცვლა და ხელახალი არჩევნები. რაც მალე მიხვდება „ოცნება“, რომ სხვა გამოსავალი არ არსებობს, მით უკეთესი, რაც უფრო გვიან მიხვდებიან მით უფრო ძვირად დაუჯდებათ. „ქართული ოცნება“ ისევ ცდილობს ძალის დემონსტირებით მოახდინოს სიტუაციის გადატეხვა, რაც არ გამოუვა. იმედი მაქვს, რომ გონს მოეგებიან და დასხდებიან მოლაპარაკების მაგიდასთან და შეასრულებენ იმ ოთხ პუნქტს, რომელიც დადო ოპოზიციამ“ , - განაცხადა ჯაფარიძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა