სამოქალაქო მოძრაობა "საქართველოსთვის" "ქართული ოცნების" ცენტრალურ ოფისთან აქციას მართავს. პარალელურად კი პარტიის ოფისში პოლიტსაბჭოს სხდომა მიმდინარეობს. აქტივისტები "ქართული ოცნების" იმ წევრების მიმართ, ვინც შენობაში შედიან, სკანდირებენ - "მონა, მონა".
მათი განცხადებით, მიუხედავად იმისა, რომ ქვეყნის პრემიერ-მინისტრმა თანამდებობა დატოვა, ამით საზოგადოების მოთხოვნა, რომ გაიმართოს ვადამდელი არჩევნები, უცვლელი რჩება.
აქციის მონაწილეებმა აქციაზე მიიტანეს ბანერი წარწერით "არ შეგარჩენთ მოპარულ არჩევნებს".
სამოქალაქო მოძრაობის წევრებმა აქციაზე მიიტანეს გვირგვინი წარწერით -„ოცნების დასასრული“.
"გახარია, ფიქტიური პრემიერი გავუშვით და ამით გინდათ გადაფაროთ დღევანდელი დღე, ასე ვერ მოხდება. ვერაფერი გიშველით ვერც კონკრეტული პირების გათავისუფლება და ვერც დანიშვნა. აუცილებელი მოთხოვნაა ვადამდელი არჩევნების ჩატარება" , - აცხადებს აქტივისტი გიორგი მუმლაძე.
იხილეთ ვიდეო:"ქართულ ოცნებასთან" სამოქალაქო ატივისტები აქციას მართავენ