გერმანიის საგარეო საქმეთა მინისტრის, ჰეიკო მაასის განცხადებით, ირანის ბოლო ნაბიჯები საფრთხეს უქმნის ბირთვულ შეთანხმებაში აშშ-ის დაბრუნების საკითხს.

„რაც მეტია წნეხი, მით მით უფრო რთულია პოლიტიკური გამოსავლის მოძებნა. მოლაპარაკებები ამ ეტაპზე მნიშვნელოვნად რთულდება, რადგან ირანი აშკარად ცდილობს არა დეესკალაციას, არამედ - ესკალაციას და ეს არის ცეცხლთან თამაში“, - განაცხადა ჰეიკო მაასმა.

ცნობისთვის, ირანი აცხადებს, რომ მომავალი კვირიდან ქვეყანაში გაეროს მიერ ბირთვული ობიექტების შემოწმებას შეზღუდავს, იმ შემთხვევაში, თუ 2015 წლის ბირთვული შეთანხმების სხვა მხარეები არ ითანამშრომლებენ მასთან.