"ნაციონალური მოძრაობის" ოფისში ოპოზიციური პარტიების შეხვედრა მიმდინარეობს

"რესპუბლიკური პარტიის" ერთ-ერთი ლიდერის თამარ კორძაიას ინფორმაციით, ამ წუთებში "ნაციონალური მოძრაობის" ცენტრალურ ოფისში პოლიტიკური პარტიების შეხვედრა მიმდინარეობს, სადაც მსჯელობენ სამომავლო საქმიანობასთან დაკავშირებით.

მისივე განმარტებით, აღნიშნულ შეხვედრას ესწრება ყველა ის ოპოზიური პარტია, რომელიც ბოლო დღეების განმავლობაში "ნაციონალური მოძრაობის" ოფისში იმყოფება და მათ შორის განხილვის ერთ-ერთი თემა სამომავლო აქციებიც არის.

"მსჯელობის შედეგებთან მიმართებით, ნიკა მელია გესაუბრებათ და მიღებულ გადაწყვეტილებას გეტყვით. ყველაზე მთავარი რაც არის და რაზეც ბოლომდე ვართ შეჯებული, ჩვენ ისევ პრინციპულად ვითხოვთ მოლაპაკებების განახლებას და რიგგარეშე არჩევნებთან დაკავშირებით სერიოზული მსჯელობის დაწყებას. ამაზე მეტს ამ წუთას ვერ გეტყვით, თავად ნიკა მელია გეტყვით, რა გადაწყვიტეს ოპოზიციურმა პარტიებმა",- განაცხადა კორძაიამ.

რაც შეეხება ნიკა მელიას დაცვის სტრატეგიას, როგორც კორძაიამ აღნიშნა, მელია საკმარისად დაცულია და დაცულია იმ ადამიანების მხარდაჭერით, ვინც ხმა გაერთიანებულ ოპოზიციას მისცა. მისი თქმით, საზოგადოების ეს დაცვა მელიას აძლიერებს.

იხილეთ ვიდეო: „ნაციონალური მოძრაობის“ცენტრალურ ოფისში პოლიტიკური პარტიების შეხვედრა მიმდინარეობს

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა