ზურაბ ჯაფარიძე ლიეტუვის პარლამენტის საგარეო კომიტეტის თავმჯდომარესთან შეხვედრაზე -  ეს ადამიანი ცდილობს გაიგოს, რა პოზიციები არსებობს, ალბათ ეცდება, რომ გამოსავალი მოიფიქროს

„საუბარი იყო იმაზე, რომ ქვეყანაში არის უმძიმესი პოლიტიკური კრიზისი, რომელიც კიდევ უფრო დამძიმდა ნიკა მელიასთან დაკავშირებით სასამართლოს მიერ მიღებული გადაწყვეტილებით. შესაბამისად, ყველა ვცდილობთ, რომ ამ მდგომარეობიდან გამოსავალი ვიპოვოთ“, - ამის შესახებ "გირჩი-მეტი თავისუფლების" ლიდერმა ზურაბ ჯაფარიძემ ჟურნალისტებს "ნაციონალური მოძრაობის" ოფისში განუცხადა, სადაც ოპოზიციური პარტიების ლიდერები ლიეტუვის პარლამენტის საგარეო ურთიერთობათა კომიტეტის თავმჯდომარეს ჟიგიმანტას პავილიონისს შეხვდნენ.

ზურაბ ჯაფარიძის თქმით, ეს ადამიანიც ამ ქვეყნის გულმხურვალე მეგობარია და სიტუაციიდან გამოსავალს ეძებს.

"როგორც ჩვენ ვფიქრობთ, რომ გამოსავალი შეიძლება მხოლოდ მოლაპარაკების მაგიდასთან მოიძებნოს, ისიც ამგვარად ფიქრობს. ჩვენი პოზიცია იგივეა, რაც აქამდე იყო. მოლაპარაკებები მნიშვნელოვანია. მოლაპარაკების მაგიდასთან "ქართული ოცნება" უნდა დაჯდეს და მოლაპარაკებები უნდა გაიმართოს იმ ოთხი პუნქტის გარშემო, რაც უკანასკნელი ოთხი რაუნდია მაგიდაზე დევს. ეს ადამიანი ცდილობს გაიგოს, რა პოზიციები არსებობს ზოგადად და საბოლოო ჯამში, ალბათ ეცდება, რომ აქედან გამოსავალი მოიფიქროს. ეს ერთგვარი ფასილიტაციაა", - განაცხადა ჯაფარიძემ.

მისივე თქმით, ნიკა მელიას საქმესთან დაკავშირებით ცალსახაა ყველა ის გზავნილი, რაც დასავლეთიდან პარტნიორების მხრიდან მოდის.

"ყველას შეფასებაა, რომ ეს არის პოლიტიკურად მოტივირებულ დევნა. ასე კონკრეტულად, ამ სიტყვებით ჩვენ საუბარი არ გვქონია ამ ადამიანთან, მაგრამ ზოგადად, ეს არის გზავნილი, რომელიც მოდის პარტნიორებისგან", - განაცხადა ჯაფარიძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა