აშშ-ის პრეზიდენტმა ჯო ბაიდენმა ძლიერი ყინვისა და უამინდობის გამო, ტეხასის შტატი სტიქიური უბედურების ზონად გამოაცხადა.

პრეზიდენტის თქმით, სტიქიასთან გამკლავების მიზნით ფედერალური ბიუჯეტიდან შტატი ფინანსურ დახმარებას მიიღებს.

ამასთან, ცნობილი გახდა, რომ დაბალ ტემპერატურას აშშ-ში 60-მდე ადამიანი ემსხვერპლა. ტეხასის შტატში უკვე რამდენიმე დღეა ტემპერატურა რეკორდულად დაეცა. მსგავსი ყინვა შტატში ბოლო 50 წლის განმავლობაში არ ყოფილა. ჯო ბაიდენი უახლოეს დღეებში ტეხასში ჩასვლასა და სიტუაციის ადგილზე გაცნობას გეგმავს.