გერმანიაში ბოლო დღე-ღამის განმავლობაში კორონავირუსს 145 ადამიანი ემსხვერპლა და 7 676 ახალი შემთხვევა გამოვლინდა.
შესაბამის მონაცემებს რობერტ კოხის ინსტიტუტი ავრცელებს. ეპიდემიის გავრცელებიდან დღემდე გერმანიაში ვირუსის 2.38 მილიონი შემთხვევა ფიქსირდება. მათგან ვირუსს 67 841 პაციენტი ემსხვერპლა.
გერმანიაში კორონავირუსის გამო დაწესებული კარანტინის რეჟიმი 7 მარტამდე მოქმედებს. აღნიშნული გადაწყვეტილება ანგელა მერკელსა და 16 ფედერალური მიწის პრემიერებს შორის გამართული შეხვედრის დროს მიიღეს.