IDFI - მოვუწოდებთ მხარეებს, გამოიყენონ ყველა საშუალება და უზრუნველყონ შეკრების უფლების მშვიდობიან გარემოში რეალიზება

ინფორმაციის თავისუფლების განვითარების ინსტიტუტი (IDFI) 19 და 21 თებერვალს საქართველოს პარლამენტთან მიმდინარე აქციებზე აქტივისტების დაკავებას ეხმაურება.

როგორც ორგანიზაციის განცხადებაშია ნათქვამი, სახელმწიფომ თავი უნდა შეიკავოს, იმგვარი ქმედებებისგან, რომელიც კიდევ უფრო გაამწვავებს არსებულ მდგომარეობას და ხელს შეუწყობს საპროტესტო აქციების უმართავ რეჟიმში გადასვლას. ორგანიზაცია პროცესში ჩართულ მხარეებს მოუწოდებს, გამოიყენონ ყველა საშუალება და უზრუნველყონ შეკრების უფლების მშვიდობიან გარემოში რეალიზება.

,,2021 წლის 19 თებერვალს პოლიციამ საქართველოს პარლამენტთან მიმდინარე საპროტესტო აქციაზე 25 ადამიანი, მათ შორის, პოლიტიკური პარტიის წევრები დააკავა. აქციის მონაწილეთა მცირე რაოდენობის გათვალისწინებით, ეს ციფრი დაკავებების შემაშფოთებლად მაღალი მაჩვენებელია. გავრცელებული ინფორმაციით, დღეს, 21 თებერვალს საქართველოს პარლამენტთან მიმდინარე მშვიდობიან საპროტესტო აქციაზე კვლავ დააკავეს აქციის მონაწილეები, ამავე დროს ქვეყანაში არსებული დაძაბული პოლიტიკური ვითარების ფონზე მოსალოდნელია საპროტესტო გამოსვლების კიდევ უფრო გააქტიურება. შინაგან საქმეთა სამინისტრო ვალდებულია უზრუნველყოს შეკრებებისა და მანიფესტაციების კონსტიტუციური უფლების მშვიდობიან რეჟიმში წარმართვა. სახელმწიფომ თავი უნდა შეიკავოს, იმგვარი ქმედებებისგან, რომელიც კიდევ უფრო გაამწვავებს არსებულ მდგომარეობას და ხელს შეუწყობს საპროტესტო აქციების უმართავ რეჟიმში გადასვლას.

მოვუწოდებთ შინაგან საქმეთა სამინისტროს, იმოქმედოს განსაკუთრებული სიფრთხილით და მკაცრად დაიცვას კონსტიტუციის და კანონის მოთხოვნები. აღსანიშნავია, რომ „შეკრებებისა და მანიფესტაციების შესახებ“ საქართველოს კანონის მე-2 მუხლის მე-3 პუნქტი პოლიციას ავალდებულებს შეკრების თავისუფლების შეზღუდვისკენ მიმართული ნებისმიერი გადაწყვეტილების მიღებისას იხელმძღვანელოს პროპორციულობის პრინციპით. სამართალდამცავ ორგანოთა მიერ აქციის მონაწილეებისადმი არაპროპორციული ან/და უკანონო მოთხოვნების წაყენებით, აგრეთვე ამ მოთხოვნათა აღსრულებით ვითარების ესკალაციისთვის პასუხისმგებლობა სრულად (და)ეკისრება სახელმწიფოს. მოვუწოდებთ პროცესში ჩართულ მხარეებს, გამოიყენონ ყველა საშუალება და უზრუნველყონ შეკრების უფლების მშვიდობიან გარემოში რეალიზება“, - ნათქვამია განცხადებაში.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა