ჯუანშერ ბურჭულაძე - სრულად განახლდა ჯარისკაცების უნიფორმა და ხარისხი არსებითად გაუმჯობესდა

პარლამენტში, საკომიტეტო მოსმენის ფარგლებში გამოსვლისას, თავდაცვის მინისტრობის კანდიდატმა სამხედროებზე ზრუნვა და მათი სოციალური მდგომარეობის გაუმჯობესება უწყების პრიორიტეტად დაასახელა.

ჯუანშერ ბურჭულაძემ ამ მიმართულებით ირაკლი ღარიბაშვილის მინისტრობის პერიოდში გადადგმული მნიშვნელოვანი ნაბიჯები, დანერგილი სიახლეები გაიხსენა და აღნიშნა, რომ სამხედრო მოსამსახურეებზე ზრუნვა და მათი სათანადოდ დაფასება გაგრძელდება.

“სრულად განახლდა ჯარისკაცების უნიფორმა და ხარისხი არსებითად გაუმჯობესდა. სამხედრო მოსამსახურეთა კვება არის უპრეცედენტოდ მაღალი ხარისხის. 2020 წელს დაიწყო შემდეგი პროგრამები: სამხედრო მოსამსახურეებისა და მათი ოჯახის წევრების განათლების დაფინანსება, საცხოვრებელი ბინებით სამხედროების უზრუნველყოფა, დაჭრილ-დაშავებულ სამხედროებზე ზრუნვა და სხვა არაერთი მნიშვნელოვანი ინიციატივა. ასევე გაგრძელდება ჩვენი ჯარის ინფრასტრუქტურის განახლების, შენარჩუნებისა და მშენებლობა-განვითარების პროცესი. ბოლომდე მივა ლოჯისტიკური საშუალებების მოდერნიზაციისა და საბჭოთა სპეცტექნიკის თანამედროვე ბრენდებით ჩანაცვლების მიმართულებით დაწყებული ინიციატივა, რომელიც გულისხმობს 500 ერთეულამდე ევროპული წამყვანი ბრენდების სპეცტექნიკის შემოტანას და რომლის მნიშვნელოვანი ნაწილი, როგორც იცით, უკვე შესრულებულია“, - განაცხადა ჯუანშერ ბურჭულაძემ.

თავდაცვის მინისტრობის კანდიდატმა იმედი გამოთქვა, რომ ჯარში მნიშვნელოვანი რეფორმების განხორციელების უწყვეტობა თავდაცვის ძალების ბრძოლისუნარიანობას თვისობრივად სხვა სიმაღლეზე აიყვანს და საბოლოოდ იმ მიზანს მივაღწევთ, რასაც ევროატლანტიკურ სტრუქტურებში გაწევრიანება ჰქვია.

პარლამენტის კომიტეტებში ნდობის მისაღებად ირაკლი ღარიბაშვილის მიერ წარდგენილ მინისტრობის კანდიდატებს უსმენენ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი