თავდაცვის მინისტრობის კანდიდატის განცხადებით, ქართული კიბერთამაშების შექმნაზე მუშაობენ

თავდაცვის მინისტრობის კანდიდატის, ჯუანშერ ბურჭულაძის განცხადებით, სამინისტრო ქართული კიბერთამაშების შექმნაზე მუშაობს. როგორც მან პარლამენტის თავმჯდომარის პირველი მოადგილე გია ვოლსკის კითხვის საპასუხოდ განაცხადა, ქართული თამაშები იქნება პატრიოტიზმზე ორიენტირებული და საინტერესო იქნება როგორც ჯარში მოხმარებისათვის, ასევე სამოქალაქო საზოგადოებისათვის.

,,კიბერთამაშები ძალიან საინტერესო და აქტუალური თემაა, ჩვენ ვმუშაობთ ამ საკითხთან დაკავშირებით და გვინდა შევქმნათ ქართული თამაშები, რომელიც იქნება პატრიოტიზმზე ორიენტირებული და საინტერესო იქნება, როგორც ჯარში მოხმარებისათვის, ასევე სამოქალაქო საზოგადოებისათვის“, - აღნიშნა ჯუანშერ ბურჭულაძემ.

მან ასევე უპასუხა შეკითხვას ე.წ. საპარადო ფორმით ქუჩაში სიარულთან დაკავშირებით. ჯუანშერ ბურჭულაძის განმარტებით, ქუჩაში ჯარისკაცებისთვის ფორმით სიარულის საკითხი აუცილებლად დადგება. ,,ფორმით სიარული ჩემი სამინისტროში მისვლის ერთ-ერთი კითხვა იყო, რატომ არ შეიძლება, რომ ფორმით იარონ? იყო არგუმენტები, რომ ამას შეიძლება მოჰყვეს უარყოფითი მხარეები. თუმცა, აუცილებლად დავაყენებთ ამ საკითხს, დღეს ისეთი ფორმა აცვია ჩვენ ჯარს, ამ ფუფუნების საშუალებას ევროპული ქვეყნებიც ვერ აძლევენ თავიანთ თავს, რომ სეზონურად ჰქონდეთ მსოფლიოს წამყვანი ბრენდების უნიფორმა“, - განაცხადა ჯუანშერ ბურჭულაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია