ირაკლი ღარიბაშვილი - ჩემი პრემიერ-მინისტრობის დროს შევქმენით პროგრამა „აწარმოე საქართველოში“, რომელიც გადახედვას და მასშტაბების გაზრდას საჭიროებს

სახელმწიფო უნდა ჩაერიოს, სწორი გაგებით, ისეთი დარგების აღდგენასა და განვითარებაში, რომლებიც სწორედ ჩვენი უგუნური პოლიტიკის შედეგად დავანგრიეთ ამ 30 წლის განმავლობაში, - ამის შესახებ პრემიერ-მინისტრობის კანდიდატმა ირაკლი ღარიბაშვილმა პარლამენტში, რიგგარეშე სესიის პლენარულ სხდომაზე სამთავრობო პროგრამის წარდგენისას განაცხადა.

ირაკლი ღარიბაშვილმა პროგრამა „აწარმოე საქართველოშის“ გადახედვა დაანონსა.

„ჩემი პრემიერ-მინისტრობის დროს შევქმენით პროგრამა „აწარმოე საქართველოში“, რომელიც გადახედვას და მასშტაბების გაზრდას საჭიროებს. პროგრამა თითოეული ოჯახისთვის ხელმისაწვდომი უნდა გავხადოთ. სახელმწიფო უნდა ჩაერისო, სწორი გაგებით, ისეთი დარგების აღდგენასა და განვითარებაში, რომლებიც სწორედ ჩვენი უგუნური პოლიტიკის შედეგად დავანგრიეთ ამ 30 წლის განმავლობაში. ვგულისხმობ სოფლის მეურნეობას, ადგილობრივ წარმოებას და ასე შემდეგ. არ შეიძლება, მხოლოდ იმპორტირებულ საქონელზე ვიყოთ დამოკიდებული. ჩვენ შეგვწევს უნარი და გვაქვს შესაძლებლობა, რომ ჩვენით ვაწარმოოთ ერთი მხრივ, სოფლის მეურნეობის და ასევე სხვა სამრეწველო პროდუქტები.

მინდა შეგახსენოთ, რომ ვიყავით ქვეყანა, რომელიც ერთ-ერთი ყველაზე მაღალტექნოლოგიურ საწარმოს ამუშავებდა, ყველა ქვეყანას არ შეუძლია თვითმფრინავების წარმოება. მესმის, რომ ეს წარსულია, მაგრამ ესაა კლასიკური მაგალითი იმისა, თუ რა გვქონდა, რა ვიყავით და როგორ მავნებლურად მოვექეცით, ჩვენივე ხელებით როგორ დავანგრიეთ აღნიშნული საწარმო. ასეთი მაგალითები უამრავია, ამიტომ ამ პოლიტიკას სჭირდება გადახედვა. მე სხვა გამოსავალს ვერ ვხედავ. გვაქვს გამონათებები, მაგრამ ეს არაა საკმარისი“,-აღნიშნა ირაკლი ღარიბაშვილმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი