დესტრუქციული ჯგუფები პირდაპირ პროვოცირებენ პოლიციელებზე - ყოველ ასეთ გამოვლინებაზე მკაცრი პოზიცია გვექნება, აღარავითარ კომპრომისს ჩვენ აღარ დავუშვებთ! - ეს განცხადება პარლამენტის ტრიბუნიდან პრემიერ-მინისტრობის კანდიდატმა ირაკლი ღარიბაშვილმა გააკეთა.

ღარიბაშვილის შეფასებით, დესტრუქციული პოლიტიკური ჯგუფების მხრიდან ადგილი აქვს სამართალდამცავთა მიმართ მტრობას, რაც უნდა იყოს დაგმობილი.

“არცერთი კომპრომისი არ უნდა გატარდეს! ამ ადამიანებს მოფრთხილება და ხელის გულზე ტარება სჭირდებათ. პრობლემებს, რაც ქვეყანაში არსებობს, ემატება ის, რომ დესტრუქციული ჯგუფები პირდაპირ პროვოცირებენ პოლიციელებზე. ამ დესტრუქციული ჯგუფების დევნაზე ჩვენი პოლიციის უზარმაზარი რესურსი ცდება. საბოლოო ჯამში, ქაოსის, დესტაბილიზაციის ფონი იქმნება. ამიტომ ყოველ ასეთ გამოვლინებაზე მკაცრი პოზიცია და პოლიტიკა გვექნება. აღარავითარ კომპრომისს ჩვენ აღარ დავუშვებთ! პოლიციელის მიმართ ნებისმიერი გადაცდომა იქნება დაუყოვნებლიც აღკვეთილი და სამაგალითოდ დასჯილი კანონის ფარგლებში“, - განაცხადა ირაკლი ღარიბაშვილმა.

პარლამენტი, პლენარული სხდომის ფორმატში, მთავრობის განახლებული შემადგენლობისთვის ნდობის გამოცხადების საკითხს იხილავს.