ის ნაბიჯები, რაც შინაგან საქმეთა სამინისტროში გადაიდგა და ის პრიორიტეტები, რაზეც ვახტანგ გომელაურმა ისაუბრა, უდავოდ იმსახურებს ხაზგასმას და აღიარებას , - ამის შესახებ საპარლამენტო უმრავლესობის წევრმა, ირაკლი ბერაიამ პარლამენტის პლენარულ სხდომაზე განაცხადა.

როგორც ბერაია დასძენს, ქართული პოლიცია განსაკუთრებულ დაფასებას და მხარდაჭერას იმსახურებს.

„განსაკუთრებულ დაფასებას და მხარდაჭერას იმსახურებს ჩვენი საამაყო ქართული პოლიცია, რომელიც მიუხედავად რადიკალების და უპასუხისმგებლო სუბიექტების მხრიდან აუტანელი შეურაცხყოფის კასკადისა, მაღალი პროფესიონალიზმით და ადამიანის უფლებების დაცვის მაღალი სტანდარტით ასრულებს საკუთარ მოვალეობას. ის ნაბიჯები, რაც უწყებაში გადაიდგა და ის პრიორიტეტები, რაზეც ბატონმა ვახტანგმა ისაუბრა, უდავოდ იმსახურებს ხაზგასმას და აღიარებას“, - განაცხადა ირაკლი ბერაიამ.