ბელარუსის პრეზიდენტმა ალექსანდრ ლუკაშენკომ რუს კოლეგას, ვლადიმერ პუტინს ბელარუსში მასობრივი საპროტესტო აქციების დროს გაწეული ეკონომიკური დახმარებისთვის მადლობა გადაუხადა.
„რა თქმა უნდა, ძალიან მადლობელი ვარ იმ ეკონომიკური მხარდაჭერისთვის, რასაც თქვენ ბელარუსს უწევთ. უნდა გაცნობოთ, რომ ეს დახმარება ამაო არ ყოფილა და ეს ფული არ გაფლანგულა,”- მიმართა ლუკაშენკომ პუტინს სოჭში გამართული მოლაპარაკებების დროს.
მედიის ინფორმაციით, გასული წლის სექტემბერში რუსეთმა ბელარუსს სესხის სახით 1.5 მილიარდი აშშ დოლარი გამოუყო. ბელარუსში მასშტაბური აქციები აგვისტოში, საპრეზიდენტო არჩევნების შემდეგ დაიწყო, როდესაც ოპოზიციამ არჩევნების ოფიციალური შედეგები არ ცნო და ალექსანდრე ლუკაშენკო არჩევნების გაყალბებაში დაადანაშაულა.
ვლადიმერ პუტინსა და ალექსანდრე ლუკაშენკოს შორის შეხვედრა გუშინ სოჭში გაიმართა.