კანადის პარლამენტმა დაამტკიცა წინადადება, რომლის მიხედვითაც, სინძიანის პროვინციაში მუსლიმი უიღურების მიმართ ჩინეთის დამოკიდებულება გენოციდია, - ამის შესახებ ინფორმაციას Reuters-ი ავრცელებს.

სააგენტოს ცნობით, კანადის საკანონმდებლო ორგანომ ოპოზიციური „კონსერვატიული პარტიის“ შუამდგომლობა 266 ხმით 0-ის წინააღმდეგ დაამტკიცა.

Reuters-ი წერს, რომ სამართლებრივად არასავალდებულო წინადადება ზეწოლას ახდენს ლიბერალ პრემიერ-მინისტრზე, ჯასთინ ტრუდოზე, რომ მთავრობამ პარლამენტის მაგალითს მიბაძოს.

აღსანიშნავია, რომ პრემიერ-მინისტრმა ჯასტინ ტრუდომ და მინისტრთა კაბინეტმა კენჭისყრაში მონაწილეობისგან თავი შეიკავეს.

ჩინეთის ელჩმა ოტავაში კონგ პეივუმ გენოციდთან დაკავშირებული ბრალდება უარყო და განაცხადა, რომ ”დასავლეთის ქვეყნებს არ შეუძლიათ შეაფასონ, თუ როგორი მდგომარეობაა ადამიანის უფლებების დაცვის მხრივ ჩინეთში.

„სინძიანის პროვინციაში ე.წ. „გენოციდი“ არ არსებობს,“- აღნიშნა ელჩმა.