პარტია „ნაციონალური მოძრაობის“ ინფორმაციით, სამართალდამცველებმა ნიკა მელიას დაკავების ოპერაციის დროს, პარტიის ოფისი დაარბიეს.

მათი ცნობით, დარბეულია რამდენიმე ოთახი, მათ შორის, პარტიის არქივის ოთახი და IT სამსახურის ოთახი.

"ერთიანი ნაციონალური მოძრაობის" ოფისიდან წაღებულია სერვერი, გარე და შიდა სათვალთვალო კამერის ჩანაწერები, გახსნილია თანამშრომლების ნაწილის კომპიუტერები, ასევე წაღებულია ვინჩესტერები", - აცხადებენ პარტიაში.

შეგახსენებთ, სპეციალური დანიშნულების რაზმმა „ნაციონალური მოძრაობის“ თავმჯდომარე ნიკა მელია დააკავა. სამართალდამცავებმა ნიკა მელია პარტიის ოფისში, საკუთარ კაბინეტში აიყვანეს. მანამდე კი აღნიშნულ ოთახში, ისე როგორც მთლიანად პარტიის ოფისში სამართალდამცავებმა ე.წ. წიწაკის სპრეი გაუშვეს.