საქართველოში აბსოლუტურად იმედის გამაცრუებელი მოვლენები ვითარდება, - ამის შესახებ ევროპარლამენტარი მარკეტა გრეგორევა სოციალურ ქსელ „ტვიტერში“ წერს.
„საქართველოში აბსოლუტურად იმედის გამაცრუებელი მოვლენები ვითარდება. ოპოზიციის ლიდერის ნიკა მელიას დაპატიმრება დემოკრატიული უკუსვლის აისბერგის წვერია. პოლიტიკური პატიმრების სიის გაზრდა ევროპისკენ წინსვლის გზა არ არის,“- წერს ჩეხი პოლიტიკოსი.
ცნობისთვის, სამართლდამცავებმა „ნაციონალური მოძრაობის“ თავმჯდომარე ნიკა მელია დააკავეს. შინაგან საქმეთა სამინისტრომ მელიას აყვანის სპეცოპერაცია პარტიის ცენტრალურ ოფისში გამთენიისას დაიწყო. ოპერაციის ფარგლებში შსს-მ სპეციალური ტექნიკა და სპეცდანიშნულების რაზმი გამოიყენა. გაუშვა ე.წ. წიწაკის სპრეი, რითაც პარტიის ოფისში მყოფი პირები დაშალა.