"ნაციონალური მოძრაობის" ოფისში ნინო ლომჯარიას და ოპოზიციური პარტიების წარმომადგენლების შეხვედრა დასრულდა

"ნაციონალური მოძრაობის" ოფისში სახალხო დამცველის ნინო ლომჯარიას და ოპოზიციური პარტიების წარმომადგენლების შეხვედრა დასრულდა.

როგორც შეხვედრის დასრულების შემდეგ ნინო ლომჯარიამ განაცხადა, ოპოზიციის წარმომადგენლები აპირებენ მიმართონ პროტესტს, თუმცა მათთვის უპირველესი სახელმწიფო ინტერესებია.

ნიკა მელიას მიმართ წინასწარი პატიმრობის გამოყენება ვფიქრობ, რომ არ იყო სათანადოდ დასაბუთებელი. კერძოდ, ვფიქრობ, რომ პროკურატურამ ვერ წარმოადგინა მტკიცებულებები. მიმაჩნია, რომ ეს გადაწყვეტილება არ იყო დასაბუთებული, რაც შეეხება თავად შტურმს, ჩვენი ყველა მეგობარი სახელმწიფო, ორგანიზაცია, არასამთავრობო ორგანიზაცია, რიგითი მოქალაქეები აფიქსირებდნენ პოზიციას, რომ მსგავსი სახით დაკავება გაამწვავებდა ვითარებას და ჩიხში შეიყვანდა სიტუაციას. დღეს შევხვდი ოპოზიციის წარმომადგენლებს და რაც მთავარია მათი განცხადებით, იქნება პროტესტი, თუმცა აცხადებენ, რომ უპირველესი არის სახელმწიფო ინტერესები ეს ძალიან კრიტიკული გზა მათ უნდა გაიარონ ისე, რომ სახელმწიფო ინტერესები არ დაზიანდეს. ჩვენ ახლა ნამდვილად ვართ სახიფათო ნიშნულზე", - განაცხადა ნინო ლომჯარიამ.

გარდა ამისა, ომბუდსმენი გამოეხმაურა "ქართული ოცნების" თავმჯდომარის მამუკა მდინარაძის განცხადებას, რომ სახალხო დამცველს პასუხის გაცემა მოუწევდა, ნიკა მელიას დაკავებასთან დაკავშირებით გავრცელებულ განცხადებაზე. როგორც ლომჯარიამ აღნიშნა, ის მზად არის წარდგეს პარლამენტის წინაშე და ყველა კითხვას პასუხი გასცეს.

"სიამოვნებით ნებისმიერ ფორმატში, ნებისმიერ დროს პარლამენტს კიდევ ერთხელ განვუმარტავ თუ რატომ მიმაჩნია, რომ ნიკა მელიას წინასწარი დაკავება არ იყო დასაბუთებული და არ იყო მოზანშეწონილი. მოხარული ვიქნები თუ პარლამენტი გამოთქვამს მზადყოფნას, რომ მომისმინოს", - აღნიშნა ლომჯარიამ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)