ნინო ბურჯანაძე - მიუხედავად ხელისუფლების ამაზრზენი ქცევისა, არ ვამბობთ მოლაპარაკებებზე უარს - მთავარი პირობებია ვადამდელი არჩევნები, პოლიტიკური პატიმრების გათავისუფლება და დევნის შეწყვეტა

“ერთიანი საქართველოს” ლიდერის ნინო ბურჯანაძის განცხადებით, “მიუხედავად ხელისუფლების ამაზრზენი ქცევისა”, ოპოზიცია მოლაპარაკებებზე უარს არ ამბობს.

როგორც ბურჯანაძემ ჟურნალისტებს ფასილიტატორ ელჩებთან ოპოზიციის წარმომადგენლების შეხვედრის შემდეგ განუცხადა, მოლაპარაკების პირობად კვლავ რჩება ვადამდელი არჩევნების გამართვა და პოლიტპატიმრების გათავისუფლება.

“ოპოზიციამ განაცხადა, რომ ჩვენ მიუხედავად ხელისუფლების აბსოლუტურად ამაზრზენი ქცევისა, როდესაც დღეს კობახიძემ ჩამონათვალი გააკეთა, შემდეგი ვინ დააპატიმრონ, ასევე მიუხედავად იმისა, რომ ოპოზიციის მცდელობა, არ გართულებულიყო ვითარება, ოპოზიციის სისუსტედ მოინათლა, ჩვენ არ ვამბობთ მოლაპარაკებებზე უარს. მაგრამ, რა თქმა უნდა, გამორიცხულია, რაიმე ტიპის შეთანხმება მოხდეს, თუ ნიკა მელია, პოლიტიკური პატიმრები დარჩებიან ციხეში, თუ პოლიტიკური დევნა გაგრძელდება, გამორიცხულია, პროცესი დალაგდეს. მთავარი პირობები არის ვადამდელი არჩევნები, პოლიტიკური პატიმრების გათავისუფლება და პოლიტიკური დევნის შეწყვეტა. ეს არის გზა, რომ ქვეყანა გამოვიდეს ჩიხიდან”,- განაცხადა ბურჯანაძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა