ზურაბ ჯაფარიძე - ეს არის კრიმინალური სამყაროს მიდგომა, მოდი, ჯერ დაგჩაგრავ, ქეჩოში ჩაგავლებ ხელს, ციხეში შეგაგდებ და მერე გეტყვი, მოდი, დავილაპარაკოთ! ასეთი რამ არ გამოუვათ!

ეს არის კრიმინალური სამყაროს მიდგომა, მოდი, მე ჯერ დაგჩაგრავ, ქეჩოში ჩაგავლებ ხელს, ციხეში შეგაგდებ და მერე გეტყვი, მოდი, მოდი, დავილაპარაკოთ! ეგეთი რამ არ გამოუვათ! პირობა არის ეს, რომ უნდა შეწყდეს პოლიტიკური დევნა, პოლიტიკური პატიმრები გათავისუფლდნენ და ჩატარდეს ახალი არჩევნები“, - ამის შესახებ „გირჩი -მეტი თავისუფლების“ ლიდერმა ზურაბ ჯაფარიძემ დიპლომატიურ კორპუსთან შეხვედრის შემდეგ განაცხადა.

როგორც ჯაფარიძემ აღნიშნა, ოპოზიციის ლიდერებმა და ელჩებმა თავიანთი პოზიციები დღეს განვითარებულ მოვლენებთან დაკავშირებით ერთმანეთს კიდევ ერთხელ გააცნეს.

„ასეთი საუბარი არ ყოფილა, რომ ჩვენ აქ რაიმე საკითხები დავაყენეთ და მათგან პასუხს ველოდებოდით. მათ გაგვიზიარეს საკუთარი შეშფოთება, რომ მოხდა სიტუაციის ესკალაცია იმის გამო, რაც დღეს ჩვენ ვიხილეთ. შინაარსი იყო ის, დღეს ჩვენ განცხადებებში ვიხილეთ როგორც ამერიკის შეერთებული შტატების საელჩოს, ასევე ევროკავშირის ელჩის. ახალი არაფერი ყოფილა. ჩვენც გავუზიარეთ ჩვენი ხედვა, როგორ ვაფასებთ სიტუაციას და რა შეიძლება იყოს აქედან გამოსავალი. ეს არის პოლიტიკური დევნის შეწყვეტა, პოლიტიკური პატიმრების გამოშვება და შემდეგ ახალი არჩევნების ჩატარება ახალი წესებით. იგივე, რაზეც ჩვენ ასევე ვსაუბრობდით. ელჩების პოზიცია ჩვენს მოთხოვნებთან დაკავშირებით არ არსებობს. მათი პოზიცია იყო შეშფოთება. ჰქონდათ მცდელობა ესკალაცია არ მომხდარიყო, ამისკენ მოგვიწოდებდნენ, მაგრამ მოხდა და ცხადია, ეს არის ხელისუფლების დამსახურება“, - განაცხადა ჯაფარიძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა