აშშ-ის პრეზიდენტმა ჯო ბაიდენმა და კანადის პრემიერ-მინისტრმა ჯასტინ ტრუდომ ვიდეო ფორმატში შეხვედრა გამართეს, რომლის დროსაც პირობა დადეს, რომ ჩინეთის გავლენის წინააღმდეგ და კლიმატის ცვლილების მოსაგვარებლად ერთად იმუშავებენ, - ამის შესახებ ინფორმაციას Reuters-ი ავრცელებს.

”შეერთებულ შტატებს კანადაზე უფრო ახლო მეგობარი არ ჰყავს, ამიტომ, როგორც პრეზიდენტს, პირველი სატელეფონო საუბარი და შეხვედრა სწორედ თქვენთან მქონდა,“- მიმართა ჯო ბაიდენმა ჯასტინ ტრუდოს.

დაახლოებით ორსაათიანი საუბრის შემდეგ, ორმა ლიდერმა აღნიშნა, რომ მჭიდრო თანამშრომლობას გეგმავენ კოვიდ-19-ის პანდემიის წინააღმდეგ და კლიმატის ცვლილებასთან საბრძოლველად, რომლის მიზანი 2050 წლისთვის ნულოვანი გამონაბოლქვის მიზნის მიღწევა.

პრემიერ-მინისტრმა ტრუდომ ასევე მადლობა გადაუხადა ბაიდენს იმისთვის, რომ ჩინეთის მიერ ორი კანადელის, მაიკლ სპავორისა და მაიკლ კოვრიგის გათავისუფლებასთან დაკავშირებით აშშ-ის მხარდაჭერა კიდევ ერთხელ დაადასტურა.

“ადამიანები ბარტერული ჩიპები არ არიან. ჩვენ ერთად ვიმუშავებთ, სანამ მათ უსაფრთხო დაბრუნებას არ უზრუნველვყოფთ,” - განაცხადა ჯო ბაიდენმა.

აშშ-ის პრეზიდენტმა ასევე აღნიშნა, რომ ლიდერები მჭიდროდ ითანამშრომლებენ მომარაგების ჯაჭვის უსაფრთხოებისა და მდგრადობის გასამყარებლად და პოსტ-პანდემიური ”ეკონომიკური აღდგენისთვის”, რომელიც ყველას სარგებელს მოუტანს.

იხილეთ ვიდეო:ჯო ბაიდენი და ჯასტინ ტრუდო ჩინეთის გავლენის წინააღმდეგ ერთობლივ მუშაობაზე შეთანხმდნენ