ნინო ბურჯანაძე კრიტიკოსებს - გამიფრთხილებიხართ, ენა გააჩუმეთ! პოლიტიკურად ამოგაძრობთ ენას, არაპირდაპირი გაგებით ცხადია, დაგადუმებთ ერთხელ და სამუდამოდ!

გამიფრთხილებიხართ, ენა გააჩუმეთ! პოლიტიკურად ამოგაძრობთ ენას, არაპირდაპირი გაგებით ცხადია, დაგადუმებთ ერთხელ და სამუდამოდ! -ამის შესახებ „ერთიანი საქართველოს“ ლიდერმა, ნინო ბურჯანაძემ იმ ადამიანების კრიტიკის საპასუხოდ განაცხადა, რომლებიც მას „ნაციონალური მოძრაობის“ თავმჯდომარის, ნიკა მელიას დაკავების შემდეგ, 26 მაისს განვითარებულ მოვლენებს ახსენებენ.

როგორც ბურჯანაძემ განმარტა, მას არასდროს უღალატია საკუთარი თანამოაზრეებისთვის, მათ შორის 26 მაისს.

„არასდროს მივაჭრია, არასდროს ფულზე არ გამიყიდია ჩემი და ჩემი თანაგუნდელების ინტერესები. არასდროს მიღალატია ჩემი თანამოაზრეებისთვის, მათ შორის 26 მაისს იმიტომ, რომ ხალხის მოთხოვნა იყო, ბოლომდე ვმდგარიყავით და ბოლომდე ვიდექი. არასდროს ვაპირებ ვივაჭრო იმ ადამიანების ინტერესებით, ვისაც ჩემი სჯერა. ნუ მომაყოლებთ ჩემს სახელისუფლებო ან საოპოზიციო კაბინეტში ვინ, რამდენს, ვისგან ითხოვდა. ვინ როგორ ვაჭრობდა, ვინ, რა თანხებზე საუბრობდა და ვინ, რაში ყიდდა იმ ადამიანების ინტერესებს, რომელთა გულის აჩუყებას ახლა ცდილობენ. გამიფრთხილებიხართ, ენა გაჩუმეთ! პოლიტიკურად ამოგაძრობთ ენას, არაპირდაპირი გაგებით ცხადია, დაგადუმებთ ერთხელ და სამუდამოდ!“,-განაცხადა ბურჯანაძემ.

მისი თქმით, 26 მაისს განვითარებული მოვლენების და „ნაციონალური მოძრაობის“ თავმჯდომარის, ნიკა მელიას დაკავების ერთმანეთთან შედარება ბევრი ფაქტორის გამო არ შეიძლება.

„26 მაისის და გუშინდელი დღის შედარება ბევრი ფაქტორის გამო არ შეიძლება, მით უფრო იმიტომ, რომ შენობაში მსხვერპლის რისკი და ალბათობა 100-ჯერ უფრო მეტია, ვიდრე რუსთაველზე იყო. რუსთაველზე ვერავინ წარმოიდგენდა იმას, რომ შესაძლოა, მსხვერპლი ყოფილიყო. არავინ მივიჩნევდით, რომ იქ სიცოცხლისთვის საფრთხე იყო. როგორც წესი ღია სივრცეში დაგეგმილ აქციაზე არ არის ხოლმე ასეთი რამ. რაც შეეხება შენობაში დაგეგმილ აქციას, ნათელი იყო, რომ თუ იქნებოდა წინაღმდეგობა, გარდაუვალი იქნებოდა მსხვერპლი“,-განაცხადა ბურჯანაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა