თურქეთის საგარეო საქმეთა მინისტრი მევლუთ ჩავუშოღლუ აცხადებს, რომ თურქეთი სამხედრო გადატრიალების ნებისმიერი მცდელობის წინააღმდეგია, მიუხედავად იმისა, თუ მსოფლიოს რომელ ქვეყანაში ხდება ეს.
„ჩვენ სახელმწიფო გადატრიალების და გადატრიალების მცდელობების წინააღმდეგი ვართ, სადაც არ უნდა იყოს ეს”, - აღნიშნა ჩავუშოღლუმ.
მისივე თქმით, კავკასიამ სტაბილურობისა და მშვიდობის შანსი მოიპოვა, რომლის გამოტოვებაც არ შეიძლება.
დღეს სომხეთის შეიარაღებული ძალების გენერალურმა შტაბმა ნიკოლ ფაშინიანისა და მისი მთავრობის გადადგომის მოთხოვნით განცხადება გაავრცელა.
ფაშინიანმა ეს ნაბიჯი სამხედრო გადატრიალების მცდელობად შეაფასა და მომხრეებს „რესპუბლიკურ მოედანზე“ შეკრებისკენ მოუწოდა.