ბიძინა ივანიშვილის რეზიდენციასთან სამოქალაქო აქტივისტების და ,,მოძრაობა საქართველოსთვის” წევრების აქცია დასრულდა.

აქტივისტებს რეზიდენციასთან მიახლოების უფლება ადგილზე მობილიზებულმა სამართალდამცველებმა არ მისცეს, რასაც აქტივისტების მხრიდან შეძახილები - ,,პოლიცია - გავრილოვ” მოჰყვა.

ამ წუთებში აქციის მონაწილეები რუსთაველის გამზირზე, პარლამენტის წინ განთავსებულ კარვებში ბრუნდებიან. აქტივისტები აცხადებენ, რომ მათი მოთხოვნაა, ვადამდელი არჩევნების დანიშვნა, პოლიტპატიმრების გათავისუფლება და საარჩევნო ადმინისტრაციის ცვლილება.

მათი განცხადებით, ბიძინა ივანიშვილი ფორმალურად გაიწია პოლიტიკის კეთებისგან, თუმცა ფორმალურ მმართველად რჩება და მათი მოთხოვნების შესმენა მხოლოდ მას შეუძლია.