გერმანია კორონავირუსის გამო დაწესებული „ლოქდაუნის“ 28 მარტამდე გახანგრძლივებას გეგმავს, - ამის შესახებ ინფორმაციას The Guardian-ი გერმანულ მედიაზე დაყრდნობით ავრცელებს.
მათივე ინფორმაციით, გერმანიის კანცლერ ანგელა მერკელსა და 16 ფედერალური რეგიონის ლიდერების მოლაპარაკებების ხელშეკრულების პროექტში აღნიშნულია, რომ „ლოქდაუნი“ გახანგრძლივდება, თუმცა 8 მარტიდან გარკვეული შეზღუდვები შემსუბუქდება.
გერმანიაში კანცლერ ანგერლა მერკელსა და 16-ვე რეგიონის ხელმძღვანელებს შორის 10 თებერვალს მიღწეული შეთანხმების შედეგად, დაწყებითი კლასების მოსწავლეების უმრავლესობა ერთი კვირის წინ სკოლებში დაბრუნდა.
ქვეყანაში, 2 ნოემბრის შემდეგ, დახურულია რესტორნები, ბარები, სპორტული და გასართობი ობიექტები, 16 დეკემბრიდან კი - მაღაზიების უმრავლესობა.
ხვალ ანგელა მერკელი რეგიონების ხელმძღვანელებთან შეხვედრას გამართავს, რომლის დროსაც იმსჯელებენ, როგორ იმოქმედონ კორონავირუსის გამო დაწესებულ შეზღუდვებთან დაკავშირებით, რომლებიც 7 მარტამდეა ძალაში.
იხილეთ ვიდეო:მედია - გერმანიაში "ლოქდაუნის" გახანგრძლივება იგეგმება